臨時約會快手2人餐:白酒煮蜆& 稻庭冷烏冬 (附食譜)

打完BLOG先諗到呢個白酒煮蜆加烏冬組合可以幫到很多人~

今晚下班你男朋友或者心儀的男孩突然打給你說可以一起吃晚飯或約會。

如果你懂得煮一點點的話，當然親手煮一餐比出外吃更能增加好感~

有幾易?放工淨係去一轉吉之島買齊料，仲可以買支酒一齊飲下啖心~

返到去洗洗切切用水煮搞掂一切~唔駛油淋淋~

 話說拍拖後，有時約會都會留係屋企煮幾味，撐檯腳，因為我覺得屋企仲舒服過出面，
又可以傾下計。所以，自從老公知道我識煮野食後，我地多數大時大節都寧願留係屋企慶祝呢。

今次無他既，搵個理由兩個人慶祝下~那段時間他愛上冷烏冬冰冰滑滑的口感，而我喜歡白酒煮蜆。那就十分易辦了。去一趙吉之島就搞掂全部材料=)而且這個十分簡單，煮完也不會有太多油煙味呢，(起碼你身上的味道不會影響氣氛=)

這些相片是我以前拍下的，因為現在寫BLOG所以拿來寫食譜分享。
白酒煮蜆的相片是兩次不同日子煮的，但都放在一起給大家參考~

白酒煮蜆，

我喜歡用車里蜆，夠大夠多肉鮮甜，或者街市的大花甲也一樣好。

材料:

京蔥   兩棵 切斜紋小段。

娃娃菜   兩個 切片

莞西  1蚊 切段 (長短視乎你喜歡啦)

薑 3片

白酒  少許

鹽  少許

車里蜆  12隻 (視乎幾多人食同食幾多隻啦。呢個係3人份，每人食4隻)

雞湯半碗

做法:

1. 洗淨車里蜆後用水浸一會，可以下少少鹽令蜆吐沙

2. 下水落鍋( 你地飲的份量)， 落雞湯，薑

3. 滾起落娃娃菜，滾一會約5分鐘後落蜆 ( 到了浸住的水及再用水沖一次沖走鹽味，落少許白酒蓋上鍋蓋

4. 所有蜆開口後就可以下京蔥，試味，不夠酒味或咸味可現在調整。

5. 最後才落莞西於湯面。

好喇~到冷烏冬做法喇~~

呢個最簡單，係吉之島買一包稻庭烏冬面條，(佢會寫明可以用來整冷烏冬的), 買已經切好的紫菜絲或者自己買一包返黎自己切絲。同埋要有冰~

調味料:

烏冬用的日本生抽

紅蔥頭 一粒切碎

磨少許薑蓉

紫菜絲

蔥粒少許

中意可以買埋鵪鶉蛋落埋一齊 (今次無)

做法:

1.  開一鍋水，滾起後落烏冬條，5-10分鐘軟熟後就可以撈起放入開水加冰入面過冷河。

2. 過完冷河撈起放在碟上或你喜歡的容器上，撒上紫菜絲裝飾

3. 配料: 準備一碗烏冬生抽

4. 生抽配料: 紅蔥頭碎, 薑蓉,紫菜絲,蔥粒及芥末 (於圖所示)

呢次兩個人撐檯腳~

呢次同老公同奶奶一齊食~

老公鐘意食蟹，就咁用酒清蒸係最鮮味的。拆埋蟹肉俾佢食，做一晚大王~~

 

食飯多常都會飲下酒，我中意飲左手邊支Moscato，是我們家的Daily wine 之一。