【嬰幼兒健康食譜】白汁芝士雞肉蔬菜通粉-附食譜

好多媽咪都會問米媽點樣可以多些變化，令BB食得滋味。其實，米媽覺得，要多變化，呢個好重要呀。

試諗下，你都唔會想日日三餐都食同一樣野食，就算幾好味都悶啦~BB都一樣，BB食得健康，唔等於口味單一，獨枯一味白烚..其實，都可以用大人既煮法，只要不用調味料及少油，同一堆食材，都可以煮出很多不同口味，口感的BB飯餸呢。不過要煮俾小朋友食要小心部分食材，好似牛奶咁，因為牛奶蛋白好易誘發ＢＢ敏感，想再了解多D可以睇下呢篇文章: http://goo.gl/oSsYhs

這個芝士白汁就是其中一個例子，也是米米很愛的菜式之一，用BB飲開既配方奶，米米而家飲緊能恩3號，所以就直接用呢隻pHF水解蛋白配方開奶去代替牛奶，用埋BB芝士，就搞掂喇~材料你可以變通，肉類隨意，蔬菜有咩就用咩，唔用通粉，也可以用其他五穀，例如，意粉，ABC粉，星星粉，米粉，白飯等等，希望可以提供到一些參考給大家呢~~

如果BB重細，怕牛奶敏感也可以不用加淡忌廉，也可以省略~~不會影響太多味道的~當然，有就味道更豐富啦~~

【嬰幼兒食譜】芝士白汁雞肉蔬菜通粉
材料 : ·       粟米粒—25克 ·       紅蘿蔔—25克 ·       西芹—15克 ·       蘑菇—10克 ·       菜心-1棵 ·       雞柳—35克 ·       麵粉—5克 ·       淡忌廉—5克 ·       鹽---1少撮 (如需要) ·       蒜頭—1瓣 ·       能恩3號配方奶—160克 ·       橄欖油—1茶匙 ·       熟通心粉—1碗 ·       芝士—1片	做法: 1.  全部材料洗淨，蒜頭去衣拍扁，紅蘿蔔去衣切粒，西芹切粒，蘑菇切粒，雞柳切幼條，菜心切細段。 2.  倒1茶匙油於鑊中，下蒜頭用中小火爆香，加入紅蘿蔔粒，西粒芹，蘑粒菇，菜心，粟米粒炒勻。取走蒜頭不要。 3.  轉小火倒下麵粉炒勻後，倒入牛奶攪拌，加入通心粉，雞柳略炒後，可以加入淡忌廉及鹽作調味，最後加芝士拌勻便完成。如白汁太杰可以酌量再加牛奶或水攪拌成醬汁狀態。