2016年9月30日 星期五

【打工仔30分鐘簡易料理】沙爹烤單骨雞翼-附食譜


米媽知道大家都好忙,特別係有家庭又要做野既女性,有時更加係一個人做多個角色,返工,放工要買餸煮飯,又有小朋友既更加要騰出時間同小朋友相處。所以米媽希望可以分享多D快速料理,就算係放工都可以快快手,簡單材料同一兩個步驟就煮到好食又唔比出街食輸蝕既菜式,30分鐘連洗切醃煮,夠曬快~


今次就教大家一個勁好味,又簡單既PARTY小食,兩樣材料,3個步驟就可以整到好好味既沙爹單骨雞翼。

材料:
1.    雞翼-12(隨意)
2.    沙爹醬—100
3.    白芝麻適量(裝飾用)

做法:
1.    雞翼洗淨後一開二。
2.    加入沙爹醬拌勻醃10分鐘。

3.    將雞翼平均放在烤架上,放入已預熱200度的焗爐焗10分鐘,反轉再焗10分鐘至金黃色便可以出爐,上碟後在雞翼上面灑上白芝麻裝飾便可以享用。







沒有留言:

張貼留言