2012年12月31日 星期一

熱辣辣,麻到出煙既水煮田雞!!附食譜~


今日突然又開始凍喇,我們一家都是嗜辣的人,而2嫂亦是煮得之人(鬼咩,嫁得我2哥哥俾我們養得嘴挑,記起以前我讀書時每日揸鑊鏟煮3餸一湯,他覺得不好吃時寧願要我另外煮個出前一叮給他吃,都不吃我煮的餸時,就知道2嫂要幾辛苦,不斷鑽研食譜而現在煮得一手好餸~所以說,做人老婆甚艱難呀~~~)

我最愛的其中一道水煮田雞也是叫2嫂教我的~原來很簡單,材料亦自己,辣道自由調較。 



在這麼寒冷的天氣,除了打邊爐,有什麼比得上吃個十分刺激味蕾,辣到出煙,暖立立既麻辣水煮~

今晚大滿足~回家後立即出食譜公諸同好~等大家可以趁這幾天假期出下新招~~

材料: (4-5人份量)
1. 乾辣椒 適量視乎你吃幾辣
2. 蒜頭 2大棵,大約12粒,搣衣後拍扁
3. 花椒 適量視乎你吃幾辣
4. 一包重慶火鍋包 (買不到可以不用,只是用來增加麻辣度及色水)
5. 辣豆板醬





 呢一包係將軍澳街市買,是麻辣火鍋湯料,只是一包8蚊,但卻是水煮的好幫手,不過買唔到唔緊要,只是省卻這個材料就可以了。以前煮的很多次,也還沒發現這包時,一樣好吃。



材料:

其實可以隨時,想吃什麼就買什麼落去煮,以下是今次的材料
1. 田雞 5隻
2. 蛙蛙菜 兩棵
3. 枝竹 少許
4. 青瓜 一條
5. 粗芽菜 少許
6. 芋絲 一包
7. 黑木耳 4粒
8. 豬紅 少許
9. 海帶 少許
10. 豬皮 一小塊
11. 牛栢葉少許
12. 魷魚鬚 少許
13. 魚片 少許
15. 芫西 3蚊

好喇,以上材料,蛙蛙菜及青瓜係用來墊底的,所以必買,其他材料及份量就視乎你幾多人食,想食咩材料,自由選擇的~


處理:


1. 田雞 5隻

-叫街市幫你剝皮, 回家洗淨每隻斬開4-6件,
2. 蛙蛙菜 兩棵
-逐片撕開洗淨
3. 枝竹 少許
-洗淨備用
4. 青瓜 一條
-洗淨切片
5. 粗芽菜 少許
-洗淨備用
6. 芋絲 一包
-只要芋絲不要水
7. 黑木耳 4粒
-洗淨浸軟後倒去水備用
8. 豬紅 少許
-洗淨備用
9. 海帶 少許
-洗淨備用
10. 豬皮 一小塊
-洗淨切塊
11. 牛栢葉少許-
-洗淨切塊
12. 魷魚鬚 少許
-洗淨備用
13. 魚片 少許
-洗淨切片備用
15. 芫西 3蚊
-洗淨備用

即係全部洗淨後切切切就得喇~~


做法:


開始煮喇!!

步驟好簡單,之後教你記住。

1.  開鑊落油,下青瓜略炒一炒就可以,盛起平鋪在另一個準備放麻辣水煮的煲內,(我就用電磁爐既鍋,因為到時可以邊熱住黎食)

P.S. 切記真係係咁易炒一炒下,青瓜生生地就得,唔好炒熟左,唔係鋪底之後會過熟。

2.  之後就是用剛炒過的油鑊下油,約3-4湯匙油,下蒜頭4-5粒,花椒少許,乾辣椒少許炒香之後下蛙蛙菜炒一下,盛起又平鋪在青瓜上面。


P.S 其實每次都是重覆(下油,約3-4湯匙油,下蒜頭4-5粒,花椒少許,乾辣椒少許)這個步驟,將鋪底的材料逐樣略炒一層層鋪上去,之後將要肉食一定要煮熟的加湯滾起後(又是下油,約3-4湯匙油,下蒜頭4-5粒,花椒少許,乾辣椒少許加水加調味料) 全部倒在鋪底的材料上就可以了。





3. 因為田雞一定要確保全熟,所以又是開鑊下油,約3-4湯匙油,下蒜頭4-5粒,花椒少許,乾辣椒少許,這時候加1湯匙辣豆板醬之後下田雞下去炒,炒約半成熟。另外盛起備用 ( 未需要加進鍋內)









4. 之後用同油鑊下油,約3-4湯匙油,下蒜頭4-5粒,花椒少許,乾辣椒少許,辣豆板醬1湯匙,下半包重慶麻辣湯包 (沒有可以不下),將材料炒香後加水 (大約1000毫升,視乎你想要的湯份量及辣度),滾起後加進炒過的田雞再滾起,這時田雞已全熟。




5. 田雞滾起後就可以除枝竹外,全部材料都可以加進去同煮,兜勻後才加枝竹及芽菜進入兜勻,加鹽調味至適合的咸道。 熄火。


(因為枝竹及芽菜等易爛,最後才加進)


6.  將全部材料鋪入已炒過的青瓜,蛙蛙菜上,淋上剛剛一起煮的湯。





呢張相好清楚,青瓜鋪底,之後係蛙蛙菜,之後就是用香料炒起後加田雞加水滾起後加所有材料煮過的全部材料鋪在上面,加入湯。基本上已成功架喇!



6. 最後就是煮一次辣油倒到面上就可以喇 (呢次唔梗落花椒)

--開鑊下油,約3-4湯匙油,下蒜頭4-5粒,乾辣椒少許,半包重慶麻辣湯包 (沒有可以不用)炒香後倒在材料上就可以了。 (睇下圖啦~)




7. 之後喜歡芫西的,放在上面,吃時兜一兜就可以了~

我喜歡用電磁爐的鍋盛,因為可以一邊熱住一邊食,不過會愈煮愈辣及入味。
或者可以再吃時成鍋開火滾一下拿出來就可以了。

我屋企煮過很多次,次次材枓都自由發揮,想食咩就落咩落去煮,可以用魚,牛肉,咩肉代替田雞都得~~~

希望大家有一個暖立立的假期~預祝各位新年快樂,事事順利,好似呢鍋麻辣水煮咁,身材愈黎愈辣,工作及事業愈做愈好 (好似怪左D,但係都係想大家都過得好=)

喜歡的LIKE一下支持一下我吧~






























沒有留言:

張貼留言