【深夜食堂煮婦同樂會第36話】炒飯-人人都愛:瑤柱蛋白炒飯-附食譜

有沒有去酒樓飲茶食飯叫過瑤柱蛋白炒飯?柱白炒飯是我和林少最愛，每個星期日和老爺奶奶大佰一家大姑奶等(沒錯...每個星期日我們都是總動員去飲個靚茶，每次都飲兩三個鐘~~)去飲茶，例必會叫柱白炒飯，這亦是我每星期日可以早起床的動力之一。可惜，原本炒得極好，粒粒分明的柱白炒飯，自從柱白炒飯由點菜紙消失，要另外落單後，每次來的柱白炒飯驚多過喜..瑤柱絲極少，飯粒變得又濕又癡，過分地多油等，每次都希望可以中一次獎吃到好吃的柱白炒飯，事如願違呢。



恰巧這期的深宵食堂題目為炒飯，實來煮一次這個酒樓都居然煮不好的瑤柱蛋白炒飯 (激氣的成分居多~!) 而林少知道我會炒飯及煮冬蔭功湯，

我話: 你今晚咁夜先落機，我自己搞掂自己果餐喇。
林少:你食咩
我:柱白炒飯加個冬蔭功湯
林少: 等埋我返黎先食!
我:你返到成11點喎林生!
林少:我唔理，你要等我，我唔食飛機餐喇
我: .....咁我煮定,整返熱俾你啦
林少:唔得呀...要新鮮先好食架，你食住少少野等我啦!
我: ........

無錯...我家林少由大姑奶口中既熟左就會食既人變成了俾我養成了辛辣麵無芫茜無配菜唔食的嘴挑男 (下次我一於唔煮，由佢餓~!)

材料: 一人份 (我真的只是想把吃剩了的隔夜飯消滅了，現在變成了林少的宵夜)

隔夜飯  一碗
瑤柱 12粒
菜心頭 6條
蛋白 兩隻
蒜頭 2粒
芫茜 少許
油 適量
鹽少許
胡椒粉少許
麻油少許
米酒一茶匙


製作:
1.菜心頭/芥蘭頭切粒備用，蒜頭去衣切幼粒備用，芫茜切絲。
2. 瑤柱洗淨浸水30分鐘，隔水蒸30分鐘，將瑤柱搣絲，留蒸瑤柱的水備用。
3. 燒熱鑊下油3茶匙，下蛋白炒至凝固，盛起。
4. 原油鑊下一茶匙茶，下蒜蓉爆香後下菜心粒略炒至半熟盛起備用。
5. 原油鑊下白飯，逐少加入蒸瑤柱汁炒白飯，將白飯用鑊鏟炒鬆，粒粒分明，隔夜飯吸收瑤柱汁後變得有彈性。(我下了3匙瑤柱汁)
6. 之後將全部配料倒入鑊中，包括菜心粒，蛋白，瑤柱絲，炒至均勻。
7. 下調味，鹽少許，胡椒粉少許，麻油少許，米酒一茶匙，炒勻試味後盛起用芫茜絲點綴便完成。




看圖煮喇~!

1. 瑤柱洗淨浸水30分鐘，隔水蒸30分鐘，將瑤柱搣絲，留蒸瑤柱的水備用。

3. 燒熱鑊下油3茶匙，下蛋白炒至凝固，盛起。

4. 原油鑊下一茶匙茶，下蒜蓉爆香後下菜心粒略炒至半熟盛起備用。

5. 原油鑊下白飯，逐少加入蒸瑤柱汁炒白飯，將白飯用鑊鏟炒鬆，粒粒分明，隔夜飯吸收瑤柱汁後變得有彈性。(我下了3匙瑤柱汁)

6. 之後將全部配料倒入鑊中，包括菜心粒，蛋白，瑤柱絲，炒至均勻。

7. 下調味，鹽少許，胡椒粉少許，麻油少許，米酒一茶匙，炒勻試味後盛起用芫茜絲點綴便完成。

料理手帳	Helen	BeBeinUSA ? 矽谷M 太
Jo姐姐	Sally Ho 莎莉豪	Victoria Harbor
Kennis' Kitchen	Mrs. Horse	春卷 Harumaki
KaKa@Serendipity	噹噹	肥師奶小學龜
Sicikitchen	妹子	李太豬扒妹生活日記
Mrs.J	Jobe	偽主婦ki琪
:+:+:涼粉子:+:+: