聖誕節就黎，米媽又點會唔分享多幾個快靚正既食譜俾大家，這次剛好KITCHENAID 送米媽一個不沾鍋連玻璃蓋，可以原煲放進焗爐，只用一個煲就完成一個菜式。呢個焗雞扒，準備連煮連焗都係30分鐘內，最緊要既係夠CREAMY，JUICY，香口同埋大人小朋友都食得。D 醬汁，可以用黎配飯，意粉，小朋友最愛既通心粉。 淨係煮呢個，已經可以當係一個主菜。 呢個食譜既另一好處就係點煮都好味，加上份量可加可減，多人食既，就多D雞扒，2人晚餐，就買兩塊。都係咁煮。
材料:
1. 急凍去骨雞扒—3塊(970克)
2. 煙肉—3片(80克)
3. 百里香(THYME)—6棵
4. 雞湯—兩碗
5. 忌廉—100克
6. 牛油—1湯匙
7. 黑椒碎—1茶匙
8. 海鹽—1茶匙
9. 麵粉—15克
10.
紅蔥頭00一瓣切碎
11.
蒜頭—一瓣切碎
做法:
1. 先將雞扒解凍洗淨抹乾，如太大塊，每塊切半，共6塊加入黑椒碎，海鹽略醃。煙肉切粒。蘑菇切片。
2. 平底鑊燒熱，加入煙肉炒至金黃色，取起備用。
3. 平底鑊加入牛油，雞扒，雞扒皮向底先煎至脆皮，約4分鐘，反轉煎另一面，加入一半香草同煎約3分鐘。取起備用。
4. 原鑊加入蘑菇炒軟，再加入蒜蓉，紅蔥頭，煙肉，香草略炒，加入麵粉炒勻。
5. 倒進雞湯，忌廉，煮滾後放入雞扒冚蓋熄火。
6. 放進已預熱180度焗爐焗10分鐘便完成。
米媽分享:
1. 雞湯，煙肉，以及醃雞扒時都已有一定既咸度，所以之後並沒再調味，最後試味時如需要，大家可酌量調味。
2. 個醬汁既稀稠，取決於麵粉多少，如想要好似湯汁類，麵粉少些，想濃稠些，就加多些麵粉。但建議一開始先不要下大家麵粉，可以最後倒入雞湯煮滾後，再微調。可以麵粉加少許水拌勻倒入去微調。
3. 焗爐時間是因應雞扒的大小厚度去決定。愈小塊，煎以及焗的時間都要相應縮短。
最後，希望大家喜歡米媽的簡易食譜，你都煮得到的美味。
喜歡的請按讚，多轉發分享以能保持收到米媽的更新。 謝謝大家~
沒有留言:
張貼留言