2015年1月5日 星期一

年年有餘之旺財魚魚椰汁年糕出爐喇~附食譜








 就黎新年喇!今年想大家開心D,所以蒸鯉魚形既椰汁魚糕送俾至親好友。寓意新一年年年有餘,如魚得水,今年大家都可以有豐收既一年~。亦都希望大家收到我既心意及心機。

這個椰汁年糕製作簡單,只要數樣材料就可以完成。雖然簡單,但是需要花時間蒸呀~

因為我要整7-10盒不同形狀的魚魚送俾親友,所以去買料時拿回家都頗重的,而且也要走幾轉呢。加上我希望收到的人都可以有新鮮出爐的魚魚,我都是分開幾天蒸,比較花時間及心機。仲要每日都拿著魚魚返工放工再去派派俾大家~ 我的心意你們一定要收到呀~





食譜重溫:


 好喇,收唔到既我魚魚既大家,亦都希望有時間可以自己試試這食譜~

材料: (約4條中魚份量)/16隻迷你魚
中型蒸魚模2個
菜油-1-2匙 (用來塗在魚模內的)
澄麵粉 100克
糯米粉230克
白砂糖 175克 (最好用弄甜品的幼砂糖,更易溶於水,少雜質。沒有的話用家用砂糖亦可)
水80克
椰漿 450克 (我用快達牌)
橙色食用素 一至兩滴
紅色食用素 少許 (用來點晴用的)
篩子一個




做法:



1. 把糯米粉及澄麵粉用篩子篩到同一個大碗內,之後加入椰漿用杓或大匙攪勻直至麵粉都沒有粒粒。之後加一滴菜油 (蒸出來會更軟滑,放幾天都不會乾到裂)

2. 砂糖加入水放於鑊中用火隔水煮溶,待至微涼


3. 將糖水加入混合漿內,均勻地輕輕攪至混合,再用篩隔一至兩次直至沒有粒粒或粉狀。



4. 倒起少許混合漿,分開兩個碗仔,分別加入橙色色素及紅色色素混合,製作魚鰭及魚尾。(你們可以只用一種也可以,不過我蒸兩款唔同色的魚,所以調了兩隻色)




 5.  先薄簿地塗一層菜油於魚模內 (方便脫模),之後加入適量的橙色或紅色粉漿於魚鰭及魚尾部分,隔水大火蓋上鑊蓋大火蒸2-5分鐘定型‧




6.. 魚鰭及魚尾位置的漿定型後再倒入麵粉椰汁混合漿,蓋上鑊蓋大火蒸30至45分鐘。記得時不時留意蒸魚的水,如果蒸水少左,記得加入水繼續蒸,不可以乾蒸呀。

之後用牙籤插入年糕內測試,沒有粉漿癡在牙籤就是已經全熟,有癡的繼續蒸至熟為止。







7. 蒸好的魚拿出來室溫放涼。完全放涼後才可以脫模。(記得先在手塗少少菜油才脫模呀,避免脫模時年糕瘢在手上)

8. 脫模後,喜歡的可以用牙籤點少少紅色食用素幫魚仔點晴,更加生龍活虎~完成~~~~

P.S 中魚蒸約30-45分鐘,迷你魚蒸約25分鐘。



蒸出來的魚魚年糕真的很煙UM很香~~~


林太出品,送禮最佳~~





 要送禮的,我還特意買了盒呢~





  送禮喇~~



 呢幾日朋友都紛紛話我知我整既魚魚年糕好好食,椰香味濃,嫩滑煙韌又不會太甜,說實在我未吃過出面的,所以無從比較,但心郁郁即刻拎條大魚年糕出來切片加蛋汁同煎試試,原來林先生不吃甜的,俾佢食啖之後,清曬我成碟不夠喉encore再切左成條魚煎完食曬~~

大家快D試試~~~

知道大家心急想要食譜,所以我快快手先打左呢篇食譜出來先。

大家喜歡的可以LIKE一下嗎?令我知道大家都喜歡及支持呀。
sicikitchen









2 則留言: