屋企有隻咸豬手-自家製燻蹄 (附食譜)

我成日係度諗點解出面餐廳賣既燻蹄得幾片就咁貴既?

雖然整係好簡單，但都係心機餸黎既~

呢個對於新手黎講更加係無難度~ 

用開IPHONE影相同執相...之後Pat pat 痕換左NOTE1 用黎煲劇~但係影出黎既相太差~
最後部NOTE1 玩唔到1個月，我已經頂唔順換左NOTE2LTE~  影相終於快好多同唔會朦喇~~!
不過有人可以話我知有冇咩APPS 執相好的...

材料:


急凍咸豬手一隻 2.44磅約$45，我係凍肉店買的。(因為吉之島居然無!)
或者可以買新鮮豬手一隻都得既.

鹵水汁藥材料:

　　香葉 4片、八角 3粒、花椒 1茶匙、甘草 2片、沙薑 6粒、草果 1個

(唔知係咩黎可以看上圖，上圖是兩次份量，去藥材鋪執約$10)
(一次份量,買5蚊就夠)
鹵水調味料:

　　幼鹽 1湯匙、砂糖 2茶匙、雞粉 1茶匙、魚露 2湯匙、清水(份量以蓋過整隻豬水為準)、雙蒸酒約2湯匙(最後等全部滾起後先下)

蒜蓉醋材料:

　　紅蔥頭1顆切碎、蒜蓉 2顆切碎、幼鹽 少許茶匙、砂糖少許、魚露2湯匙、米醋 2湯匙、飲用水 1湯匙、紅辣椒切碎 (不吃得辣可不要)

做法:

　1. 豬手解凍，將清水煲滾，將豬手汆水備用。

    2. 將清水煲滾，將鹵水汁藥材料及調味料一同放入滾起後，才再下雙蒸酒約2湯匙及再加入豬手 (水的份量蓋滿豬手)。

    3. 蓋上蓋，用大火滾30分鐘，(滾大約30分鐘時，可以試下鹵水的味道如何，如不夠味，可以再下鹽，糖，魚露等調味)，之後轉中火滾1小時後熄火。

　4.將豬手浸在鹵水中約最少3小時或浸過夜。 (平時懶人做法，熄火後浸至睡覺前，就撈起，起骨，包保鮮紙放入雪櫃雪一晚，第2天晚上就可以有得吃~)  

　5.將豬手取出，起骨，然後用保鮮紙扎實，包2至3層最好。然後放入雪櫃，待結實比較易定型 (唔急住食就放最少3小時以上，隔夜最好，切出來的型會更好)。

　6. 將豬手從雪櫃取出，解去保鮮紙，切片、上碟，食時蘸蒜蓉醋。

提提你: 

1.豬骨可以用來煲骨，不用浪費~

2. 用保鮮紙包得愈實愈好，因為易定型

3. 用保鮮紙包後放雪櫃，之後食時再取出切片。

4. 未拆保鮮紙，可以放雪櫃兩三日喔。是派對食物其中一個好選擇~
5.如果係藥材鋪買草果，可以叫他幫你壓爛，易入味。