太陽出來了:金黃色溏心燻蛋~

點解每一次都會想食野架?~ 突然間好想食糖心蛋，所以放工走左去吉之島度買雞蛋~

原本想買鴨蛋的，貪個糖心出黎會又黃又靚，不過無得賣。

最後我揀左呢款，日和牌既白蛋，中SIZE，我買6隻裝大約$21一盒。

出黎效果都好好!蛋白同糖心勁滑!

呢個做法超簡單，一定唔會失手。中意食糖心蛋既朋友一定要自己試下!

等我快快手講下點整先~

食譜：

食溏心蛋:

1. 煲滾水，慢慢地放蛋落去，大火滾5.5分鐘。有人話7分鐘，有人話8分鐘，我覺得都係視乎你放幾多隻落去同埋每個人屋企既火喉始終有差。
我今次係落3隻中蛋，5分半鐘。 (平時我都係5分半架喇，多幾隻都一樣)

2. 之後另外一半準備定一碗冰水，好似我上圖咁。

3. D蛋滾夠5分半鐘時即刻撈起放入碗冰水度。
原因好簡單0者~就係等陣易剥殼~

4. 之後摸到冰水裡的雞蛋唔熱就可以開始撈起慢慢剥殼。

5. 剥完用刀切開一半就係溏心蛋喇~記得一定要灑少少五香淮鹽一同食。

做多步就可以.....

食溏心燻蛋:

1.  如果想食燻蛋的，就在剥完殼後，放在一旁備用。

2. 之後在平底鑊上鋪上錫紙再鋪上乾茶葉及砂糖開火出煙後放上剥了殼的雞蛋燻。

3.  燻約5分鐘便可以。如果太大火可以轉中火。 (不過不能燻太久，因為會燻熟了蛋黃的。

之後便可以上碟切開一半了=)

4. 變化: 可以將剝左既蛋拎去做鹵水溏心蛋又得。

成功喇~成功的溏心蛋是蛋白僅熟滑嫩，蛋黃則金黃杰身多汁。配上一點點淮鹽同吃。味道很幸福＝）