2019年10月13日 星期日

收奶後重新上奶



有追開米媽post既都知道米媽之前已經收奶了。

但收奶後重新上奶。大家都會話米媽顛左,明明從痛苦中恢復點過來,又要再來過。..米媽曾經講過,幾痛都唔夠餵唔飽自己小孩的痛。

米媽都知好矛盾,但就係有個聲音叫米媽試多次。如果再劇痛先再放棄,俾多次機會自己。
你地唔會明,明明有奶但比唔到既痛苦。明明好忍得痛用盡方法都解決唔到造奶既痛。24小時不間斷既劇痛。

而家收奶後再上奶,雖然很難,但米媽堅持了,由一泵8鐘得5ml,一茶匙分量都沒有,到現在30分鐘一泵有90毫升。米媽很感恩了。 這些奶都是血造的。 米媽不斷的灌炒米水,湯湯水水,有營養的食物、不顧身體發福,令奶水有營養有脂肪層。

人奶路真的不易,雖然泵一日只儲得一至兩餐,但米媽滿足了,最重要的是可以長泵長有持續的給予你營養。

下次,你們見到米媽走曬樣,肥師奶咁,不要笑米媽。米媽為左花花米米唔顧得咁多。😊

朋友講得岩,女人應該為自己多啲,顧好自己身體先照顧到其他人。人奶唔係一定,奶粉一樣可以餵到健康。媽咪既愛唔會因爲有無餵母乳而唔同。講得非常岩。 所以,米媽也是選擇收奶後,再上奶得返好少奶。半奶粉半人奶。餵得幾多就幾多順其自然。 對於新手媽媽,米媽支持你們所有決定。始終做媽咪已經很不容易。以後有空再分享。

#米媽有幾愛飲酒飲咖啡但一諗到要泵奶就完全無曬慾望
😂😂你話幾神奇。淨係諗到食乜飲乜會多啲奶啲奶會營養啲

#米媽育兒日記
#小米姊妹花

沒有留言:

張貼留言