【家常大排檔菜式】惹味避風塘炒蟹-附食譜

今日買到斤半重既靚膏蟹，就黎個家庭式既避風塘炒蟹，唔好以為係屋企煮呢個避風塘炒蟹好麻煩，其實唔係，用啲方法就唔駛用太多油，而且材料又簡單，步驟又唔多，只要先炸一炸啲蟹，炸一炸蒜粒，之後連埋啲配料炒勻就搞掂喇，如果想再簡單啲?得! 炸蒜都買現成的就連蒜蓉都唔駛炸~~ 大家一定吃到停唔到口~

材料:

1.    膏蟹—1斤半

2.    蒜蓉—200克(如需要)

3.    辣椒乾—8條

4.    指天椒—3隻

5.    豆豉—2湯匙

6.    蔥—3棵

7.    炸蒜—6湯匙(適量)

8.    炸蔥酥—4湯匙

9.    生粉—適量

10.                       油---兩杯

調味料:

1.    頭抽/生抽—2茶匙

2.    椒鹽---3茶匙

3.    辣椒粉—2茶匙

4.    紹興酒—1湯匙

5.    辣椒乾—8條

6.    指天椒—3隻

做法:

1.    將蟹洗淨，拆去蟹蓋，斬成4件，除去內藏。

2.    將蟹件抹乾後沾上薄薄一層生粉備用。

3.    蔥切段，指天椒切粒。

4.    準備煲仔，加入油兩杯，中火將油煮滾，加入蒜蓉炒至微金黃色便可以撈起過濾。

5.    繼續用油煲，大火油滾後，放入蟹件炸至金黃色及熟便撈起。

6.    準備鑊，中火下一茶匙油，下豆豉，蔥段爆香後，加入蟹件，調味料兜勻後，便加入炸蒜蓉，炸蒜6湯匙，炸蔥酥快手兜勻便可以熄火上碟。(試味，可以酌量加減椒鹽及辣椒)

米媽教路:

1.    如不想自己剁蒜蓉，可以直接用現成炸蒜取代其份量。如想直接用自己炸的蒜粒，也可以不用買材料7.炸蒜.

2.    炸蒜及炸蔥酥在超市便可買到。

3.    家庭式不想炸一次用太多油，可以用公仔面煲仔比較深的，這樣加入少量油，也可以充分炸到食物。不用浪費油。

4.    做法5，蒜蓉炸至微金黃便要撈起，因為油的餘溫會繼續令蒜蓉其變成金黃。如等到呈金黃色才撈起便太遲，會變成焦黑及有苦味。

5.    簡化版—(不用蒜蓉，用炸蒜代取其份量)- 炸蟹後撈起，用一茶匙爆香其餘材料，再加入蟹兜勻便完成。一樣好味~~~

材料~~

可以買現成既炸蒜

炸蔥酥

膏蟹一隻

開蓋，一開4，之後去除內臟

 沾粉

先用煲仔炸左蒜粒先. 如果想快手d，可以直接買炸蒜,唔駛自己炸~

瀝乾油

 用返d油炸蟹

 之後用少少油爆香配料，加入蟹同調味料兜勻就得.

兜勻就得喇~

食得~~~