Sicikitchen: 【米媽的育兒苦與樂.】將責任還給小朋友

今日，米媽俾左一個新既責任俾米米。
自己負責聽鬧鐘⏰起床。

因為米米想要麻麻既鬧鐘⏰。所以米媽同米米講，有鬧鐘就係代表要自己起床。唔駛再有人黎開門叫起床。米媽問米米做唔做得到。米米為左個鬧鐘⏰，亦都為左賦予既新責任而興奮。

今日去完飲茶返黎，沖完涼講完故事訓晏覺，米米叫米媽幫手教鬧鐘⏰3:30。佢提我地唔駛叫佢起身，佢自己會起身的。（平時米米唔叫的話可以訓到4點）今次真係3:30就起身，著背心，大概理好自己的床，就走出來找我們了。