【打工仔30分鐘快速料理】叉燒醬烤豬頸肉-附食譜

枚頭叉燒大家食得多，其他用叉燒醬去醃其他肉類都一樣得，口感同味道都會各有特色架。

今次教呢個，又係非常簡單，一兩個材料同步驟就可以煮到好味又易送飯既叉燒醬烤豬頸肉，加個白飯或者米粉，瀨粉一齊食，會食唔停口。無論屋企多人定小人開飯，放工先買黎煮，都十分方便，又可以煮多D，用來帶飯盒，一定會令同事羨慕~~~

我中意用豬頸肉，因為豬頸肉有油脂分佈，烤焗後，唔會太乾身，仍然充滿肉汁，夠Juicy~

材料:

1.    豬頸肉-1件(200克) 或隨意

2.    叉燒醬—80克

3.    紹興油—50克

做法:

1.    豬頸肉洗淨，加入叉燒醬及紹興酒拌勻略醃。(可以醃過夜)

2.    烤盤鋪上錫紙，再放置烤架，把豬頸肉放上，然後淋上一半醃料。

3.    放入已預熱250度的焗爐先焗10分鐘，然後反轉，淋上剩餘醬汁，焗10-15分鐘至有焦炭脆邊以及熟透。取出斜切上碟便完成。